Arunachal: 'Arunachal Pradesh: India’s Dynamic Frontier' seminar buatsaih dawn

Indian Army chuan Arunachal Pradesh-a Dinjan Military Station-ah ni hnih awh 'Arunachal Pradesh: India’s Dynamic Frontier' seminar chu February 13 leh 14 hian a buatsaih dawn. Seminar-ah hian Arunachal Pradesh geopolitical, socio-cultural leh venhimna kalpui dan ngun zawka zirchianna neih a ni ang.

Seminar hi Dao Division-in Spear Corps hnuaiah a buatsaih dawn a; panellist, security lama mithiam, academician leh policymaker-te an tel dawn a ni. He hunah hian Arunachal Pradesh leh a mipuite, ramria venhimna kalpui dan leh state hmasawnna atana thil ṭul hrang hrang sawi hona hun neih a ni bawk ang. Seminar-ah hian thematic session pathum a awm dawn a, socio-cultural fabric, ramria harsatna tawh, hmasawnna project leh a kaihhnawih hrang hrang zir hona neih a ni dawn a ni.

India hmarchhak bial ramria remna leh muanna a awm theihna tura thil pawimawh, venhimna, hmasawnna leh mipui ngaipawimawh chunga hmalakna lamhawi sawi ho a ni bawk ang. Seminar-ah hian sipai, civil administration, leh zirna lama mithiamte an tel dawn a, ramri enkawl kawnga ram pum huapa hmalakna neih pawimawhzia tarlan a ni ang. Heng sawi hona hmang hian Arunachal Pradesh-a strategic awareness tihchak, inralrinna thuamchak, mitin huap hmasawnna kalpui, leh civil-military thawh hona tihchak tum a ni bawk.