Meghalaya : NEC-in hmasawnna project thawhna tur tichhuak

North Eastern Council (NEC) chuan Meghalaya-a hmasawnna project hrang hrang thawhna tur, Rs 5,69,53,000 project chu kumin January khan a tichhuak. Project-ah hian sikul building, damdawi lam hmanrua leh infrastructure tihhmasawnna tur an tel.

Fund tihchhuahah hian RKM School, Nongjngi Nartiang-a sikul building sakna tur, Tura Civil Hospital-a 1.5T MRI machine dah, R.K Mission School, Sohra sakna tur leh Williamson Sangma State Museum, Shillong-a din turte an tel a ni. Hei bakah NESIDS (Roads) hnuaiah kawng inthlunzawmna project thawhna atan Rs vbc 3.91 a tichhuak bawk. Fund hmang hian Shillong aṭanga Umroi Airport panna kawng siam a ni dawn a, khaw 10 leh mipui 7287 velin an chhawr ṭangkai dawn a ni.

NEC hian hmarchhak bial leh agency-te tan kumin January thla khan Rs 81,50,78,461 a lo tichhuak tawh a, hmarchhak bial chu infrastructure, khawsak, hnam ziarang chawikan, research leh thil thar hmuh chhuah kawnga thuam chak turin hma a la ni. NEC hian Central, Regional leh agency dangte leh zirna in bakah cultural organization-te tan kumin January thla khan Rs 32,59,10,251 a lo sem chhuak tawh bawk.