Meghalaya lungalhthei khur puakah Assam mi paruk an thi

Meghalaya-a East Jaintia Hills district-a Barak Valley-a dan loa lungalhthei khur siam puakah, Assam-a Cachar district mi paruk an thi a, mi pangain hliam na tak an tuar bawk.

Thite hi Cachar aṭangin Meghalaya-ah hian February 5 khan hna thawk tura kal an ni. Hliamte hi Silchar Medical College and Hospital-ah enkawl mek an ni a, damdawi-in thuneitute chuan an zinga pahnih chu an dinhmun a ṭhat loh thu sawiin, intensive care unit (ICU) ah enkawl mek an ni, an ti.

Chhiatna thlen hnuah Katogorah MLA Kamalakhya Dey Purkayastha chuan chhiat tawkte chenna in tlawhin, Chief Minister aiawhin a tawrhpui thu a sawi bakah, an chhungte hnenah sorkarin puihbawmna a pe dawn tih a sawi. He chhiatna thleng hian Meghalaya-a dan loa lungalhthei khur kalpui chhunzawm eng emaw zat a awm a, state pawn lam aṭangin hna thawk tura kal tam tak an awm bawk.