Nagaland : Sorkar leh IIFT-in MoU ziak

Nagaland-a industries and commerce department chuan Ningani khan Kohima-a Directorate of Industries and Commerce-ah Indian Institute of Foreign Trade (IIFT), Kolkata nen thawh dunna tur memorandum of understanding (MoU) an ziak. He inremna hmang hian state-ah export facilitation cell (EFC) din a ni ang.

MoU hi Industries and Commerce director P. Tokugha Sema leh IIFT Kolkata professor leh centre head Dr K. Rangarajan-ten an ziak a ni. MoU-ah hian EFC chu institutional mechanism angin a thawk dawn a, exporter awm sa leh la ni turte counselling a pe ṭhin ang. An thawh dunna hmang hian in hralh chhuahna tur kawng a ti awlsam dawn a, state-a entrepreneur-te an thil siam thawn chhuah kawngah a pui bawk dawn a ni.

MoU hnuaiah hian EFC chuan entrepreneur-te chu international market-a inzarpharhna tur hriat chhuah kawngah a pui dawn a, thawn chhuah dan tur ruahmanna siam, trade fair-a tel theihna, custom leh tariff kalphung, certification leh standard, leh non-tariff barrier-ahte a pui dawn a ni. Cell hian state sorkar chu policy siam, strategic planning leh trade promotion scheme kalpui dan turah a pui bawk ang.

IIFT hian faculty member leh export specialist kaltlangin expert consultancy a pe dawn a, Nagaland nena inzawm international trade leh sundawnna chungchangah research leh knowledge-based study a nei bawk ang. Industries and commerce department chu nodal agency a ni dawn a, EFC infrastructure mamawh, office, internet, leh hmanraw pawimawhte a pe dawn a ni.