Arunachal Pradesh : CM-in hydropower project ennawn

Arunachal Pradesh chief minister Pema Khandu chuan Dibang Valley district-a hydropower project pawimawh thawh mek hmasawn dan a ennawn a, state sorkar chuan hna thawh chu a hun taka tihhlawhtlin a, tualchhung hamṭhatna, infrastructure tihhmasawn leh energy thuam chak a tum tih a tarlang.

Chief Minister-in project a ennawn zingah MW 3,097 Etalin Hydroelectric Project (HEP) leh, MW 680 Attunli HEP bakah survey kalpui mek Emini (MW 500), Amulin (MW 420) leh Mihumdon (MW 400)-te an tel. A pumpuiin MW 5,097 siam tum a ni.

India rama hydroelectric project lian ber tura ruahman, Dri luia Etalin HEP ​​pawh thawh ṭan thuai beisei a ni. Project hi SJVN Limited thawh niin, infrastructure ṭhanlenna, hnathawh tur siam, tualchhung khawsak tihchangtlun leh energy thianghlim pek chhuah kawngah a pawimawh dawn tih Chief Minister chuan a sawi. Etalin project bakah Roing-Anini Highway pawh tlawhin SJVN official-ten project kalpui dan tura ruahmanna an neihte kimchang zawkin an hrilh bawk.