Tripura : International Skill Centre leh Foreign Language School din dawn

Tripura chief minister Manik Saha chuan state sorkarin international skill centre leh foreign language school din a, state ṭhalaite tan ram pawnah eizawnna kawng hawnsak a tum tih a sawi.

Chief Minister chuan he thu hi NITI Aayog State Support Mission hnuaia 3rd Regional Workshop, Agartala-a neihah a sawi a ni. Inrelbawlna ṭha chu zirna leh a kalpui danah chauh ni loin, mipui nunphung tihchangtlun leh hmasawnnain hmun hla ber a thlen hi a ni, a ti. Hmasawnna bulpui ber chu mipui khawsak chawikan, hmun hla ber thleng pawha hmasawnna thlen a nih thu sawiin, State Support Mission chuan ram chhunga inrelbawlna a ṭha lamin a thlak danglam a ni, a ti bawk.

Saha chuan international skill center leh foreign language school din a nih chuan, ṭhalaite chu ram pawna hna thawk thei turin thiamna a pe dawn tih a sawi. Ṭhalaite chu hna thawk turin state pawn an pan a ngai ṭhin a, hnam dang ṭawng thiamna chuan khawvel hmun hrang hranga hnathawh theihna tur hun remchang a siamsak dawn a, inbiakpawhna ṭha zawk a siam dawn a ni, a ti.