Meghalaya: CM-in PM Modi hmu

Meghalaya chief minister Conrad K Sangma chuan Ningani khan prime minister Narendra Modi chu New Delhi-ah hmuin, sector hrang hranga state hmasawnnate a hrilh. PM nen hian state ṭhanlen zel dan tur an sawidun tih official thuchhuah chuan a tarlang.

CM Sangma chuan state economy hmasawnna, nu naupai hriselna leh mihring hmasawnna chhinchhiahna, processing unit lian tihchak leh loneitute sum lak luh tihpunna tura market inzawmna tihchak, kum 2027-a National Games vawi 39-na hmachhawn tura inbuatsaihna, culture heritage humhalh leh tihhmasawn kawnga hmalaknate a sawipui a ni.

Sangma chuan Prime Minister hnenah hian document hrang hrang a thehlut bawk a, state hmalam hun atana a hmathlirte chu sorkar laipui aṭanga thlawp chhunzawm zel turin a ngen bawk. Hmathlir zingah economy ṭhanlenna atan Meghalaya 'Vision 2023', leh Viksit Bharat hmathlir nena inmil state hmasawnna siam kawnga rawtna a tel bawk. Chief Minister chuan sorkar laipuiin state heritage hlutna a hriatpui vang leh, 'Living Root Bridge Cultural Landscape'-in global nomination hmu thei tura ram chhung hriatpuina a dawng chu lawmthu a sawi bawk.