Meghalaya : East Garo Hills-ah ralthuam leh a kaihhnawih hmu chhuak

Meghalaya-a East Garo Hills-ah police-te chuan January 25 zan khan ralthuam leh a kaihhnawih ṭhahnem tak an hmu chhuak. Heng ralthuamte hi GNLA helpawl leh an thawhpui ULFA-ten ramhnuaia an thuhruk a nih an rin thu an sawi.

SOT of East Garo Hills DEF, Williamnagar-a Police Superintendent, Addl. Superintendent of Police leh officer-te chuan January 25, zing dar 1 velah an thu dawn bawhzuiin East Garo Hills-a Dura Bawegre khaw bul ramhnuaiah Special Operation an kalpui a, ralthuam ṭhahnem tak; silaimu, IED, puak thei thil leh a dang lei hnuaia phum chu an hmuchhuak ta a ni.

Ralthuam an hmuhchhuah zinga hian AK-56 leh a mu, pistol pathum leh a mu, ramchhung siam Double Barrel rifle, AK 7.62 leh a mu 99, 7.65 mm calibre bullet mu li, Electric Detonator 50, Shotgun Cartridge 11, IED (Improvised Explosive Device) pakhat leh digital timer-te an tel. East Garo Hills district police Bomb Squad-te chuan IED pakhat an sut bawk. He ralthuam hmuh chhuah hi thla eng emaw zat liamt a chhunga East Garo Hills-a ramhnuai aṭanga police-ten ralthuam leh puak thei thil an hmuh chhuah vawi hnihna a ni.