Meghalaya : Kum tling lo pawngsualtu kum 25 tang turin hrem

Meghalaya-a East Jaintia Hills district-a special court chuan Protection of Children from Sexual Offences (POSCO) Act hnuaiah naupang kum tling lo pawngsualtu, mipa pakhat chu kum 25 tang turin a hrem.

Khliehriat-a court kaihruaitu Special POCSO judge B. Khriamn chuan Kmenlang Sana, Lang Sana tia hriat chu Indian Penal Code leh POCSO Act hnuaiah naupang, mipat hmeichhiatna lamhawia khawih chhiat chungchangah thiam loh a chantir a ni. Kum 25 tang tura tih a nih bakah court chuan Rs 30,000 a chawitir bawk a ni.

May 4, 2023 khan Salbina Djhai chuan a vahnu, an chenna in aṭanga zing dar 6:30 velah a bo tih police station-ah a complaint a, complaint an dawn hnuah police-te chuan zawn hna an thawk nghal a, thubuai pawh ziah luh nghal a ni.

Hmeichhe police sub-inspector L. Siangshai chuan chhuizuina hi kaihruaiin, October 30, 2024 khan charge sheet theh luh a ni. Chhuizuina an neihte endik a nih hnuah leh, hearing neih a nih hnuah thutlukna hi court chuan a siam ta a ni. East Jaintia Hills police-te chuan chhuizuina uluk taka neih a ni chuan tun dinhmun an thlen thu tarlangin, naupang laka pawikhawihna thleng ṭhin titawp turin theihtawp an chhuah zel dawn tih an sawi.