Assam : Tinsukia health centre-ah doctor an awm lo

Assam-a Tinsukia district, Oguri khuaa sorkar sub-health centre, Rs nuai 48.38 senga sakah chuan kum hnih hnuah pawh doctor mumal an la awm lo. Oguri Sub-Health Centre hi Rupai Oguri Asomiya Balijan khuaa awm a ni a, National Health Mission (Assam) fund aṭangin PM ABHIM scheme hnuaiah hawn a ni.

Kum 2023 May 13 khan health centre sakna tur lungphum phum a ni a, Makum contractor-te chuan a sak hna thawkin thla sarih chhunga sak zawh a ni. Hawn a nih aṭanga kum hnih hnuah pawh doctor mumal emaw Community Health Officer (CHO) an la awm lo a, damlote chu Auxiliary Nurse Midwife (ANM)-ten an enkawl ṭhin.

Health centre hi infrastructure changtlung taka thuam niin, ground floor-ah wellness room, pre-and-post-delivery ward, laboratory, immunisation room, labour room leh doctor chamber bakah staff leh damlote inthiarna hmun a hranga dah a ni. Ground floor chung chiahah doctor-te awmna tur facility dah a ni bawk. Hei bakah damdawi hmanrua, furniture leh khawlte pawh dah an ni tawh. Bungraw pawimawh eng emaw zat dah loh a la awm bawk a, indaidanna bang a awm lo bawk a ni.

Helai hmuna cheng mipuite chuan health centre-a doctor awm lo chu damlote tan panin awmzia a awm lo tih an sawi. Health centre-ah hian community health officer, Dr Mrinmoy Sahu chu temporary-in kar khatah vawi thum a service ṭhin a, Charaideo district-ah an transfer tak avangin a duty pawh hi a tawp chhunzawm a ni. Tinsukia-a Joint Director of Health Services chuan kum kalta January 27 khan centre-a doctor dah turin an lo ngen tawh a, tun thlengin a ngheta thawk tur dah a la ni lo.