Meghalaya: Garo activist thah thubuaiah mi pakhat man belh

Meghalaya-a Garo activist Dilseng M Sangma thah thubuaiah mi pakhat man belh leh niin, he thubuaia mi an man tawh chu pali an tling tawh tih official-te chuan an sawi.

Dilseng Sangma hi Garo pawl pakhat hruaitu a ni a, January 9 khan West Garo Hills district-a Rajabala huam chhunga dan loa lung lakna (stone quarrying) a awm nia an rinhlelh avangin activist dang eng emaw zat nen an kal chu beih an tawk a ni. Sangma chu a hliam tuar loin a thi a, activist dang pakhat pawh hliam na tak tuarin damdawi-inah enkawl mek a ni.

Police-te chuan he pawikhawihna hi dan loa lung lakna hmuna thawktuten an thlawp niin an sawi. Police superintendent A.T. Sangma chuan helai huam chhung hmun hrang hranga beihpui thlak chhunzawm zel a nih hnuah Thawhṭanni khan mi pakhat hi an man belh leh a ni tih a sawi. Chhuizuina an nei chhunzawm zel tih sawiin, pawikhawihnaa inhnamhnawih an chhuizui zel avangin mi eng zat nge man belh an la nih dawn sawi theih a la nih loh thu a tarlang bawk.

He inthahna thleng vang hian West Garo Hills district hmun ṭhenkhatah buaina a chhuak a, thuneitute chuan security force dah belh an ni tih an tarlang. Peace committee meeting pawh dan leh thupek kenkawhna atan leh buaina chhuah chhunzawm lohna atan koh a ni.