Manipur : CRPF-ten Kangpokpi-ah nitin mamawh sem

Central Reserve Police Force (CRPF) 94 Battalion chuan Kangpokpi-a Superintendent of Police Office-ah Civic Action programme an buatsaih. He hunah hian CRPF senior official-te bakah tualchhung ward hrang hrang chairman leh vice-chairman-te bakah mipui eng emaw zat an tel.

94 Battalion CRPF Commandant kaihhruaina hnuaiah hun hi hman niin programme hi nitin mamawh leh khawtlang hmasawnna atan kalpui a ni. An hmalakna hmang hian CRPF chuan tualchhung mipuite hnenah an nitin mamawh ṭhahnem tak an sem chhuak a ni. An thil sem chhuah zingah thlai chi, lei ṭha, pesticide bakah inchhunga hman chi solar lamp, bawlhhlawh bawm, infiamna hmanrua zingah volleyball, football leh carrom board-te an tel.

Khuallian Pushkar Bhardwaj, Second-in-Command (2IC), 94 Battalion CRPF chuan force-in mipui a ngaihpawimawhna leh mitin huapzo tura an inpeknate sawilangin, CRPF leh tualchhung mipui inkara inrintawkna, thawh hona leh inremna siam kawngah Civic Action Programme chuan hmun pawimawh tak a chang a, hun lo awm zel turah pawh hetianga hmalakna hi chhunzawm zel a nih tur thu a sawi bawk.