Assam : Khaw vawt vangin sikul kai hunbi siamrem

Assam-ah khaw vawt a zual avangin state sorkar chuan sikul kai hunbi an siamrem a, district ṭhenkhatah chuan sikul khar lailawk a ni bawk. He ruahmanna hi naupangte hriselna ngaihtuah a, an himna tura siam a nih vangin zirna in hrang hrangte chu zawm vek turin an hriattir.

Kamrup (Metropolitan) district-ah chuan January 7 - 13 chhung atan primary school chu zing dar 10 aṭanga chawhnu dar 1:30 thleng sikul kal tura tih an ia, upper primary chu zing dar 10 aṭanga chawhnu dar 2, secondary leh senior secondary school-te chu zing dar 10 aṭanga chawhnu dar 2:30 thleng an kal ang.

Dima Hasao district-ah chuan January 8 -17 chhung chu khaw vawt zual vangin sikul zawng zawng khar a ni dawn thung. Office of the Additional Director of Education (Hills) chuan thupek tichhuakin, lower-secondary level-a sorkar sikul bakah, provincialised leh private sikul pawh khar vek turina ti.

Dhubri district-ah pawh January 7-10 chhung sorkar leh provincialised sikul te khar veka ni dawn. Mahse, he thupek hian hemi hunchhunga examination neih mekte erawh a huam tel lo.

Hojai distirc-ah pawh sikul kai hun hi siamrema ni bawk a, primary leh middle sikul chu zing dar 10-ah ṭanin,chawhu dar 1 thleng an kal. Secondary leh senior secondary chu zing dar 10 aṭanga chawhnu dar 2 thleng an kal. Class X leh Higher Secondary examination neih mek chu ruahman lawk anga kalpui a ni thung.

Assam-ah hian thlasik a na hle a, hmun hniam deuh lai phei chu chhumin a bawh nasa hle. Health official-te chaun kum upa lam leh naupangte bakah, thawk lama harsatna neite chu inenkawl uluk turin an chah. Khaw vawt leh chhum zing hi ni eng emaw chen a la ziaawm dawn rih lo niin an sawi. Khaw vawh lam hi 9°C -12°C te a ni a, kum dang aiin a vawt a ni.