Arunachal Pradesh : FY26-a thla 9 chhunga GST hmuh 36% dawnin pung

Arunachal Pradesh sorkar chuan 2025-2026 financial year thla kua chhunga Goods and Services Tax (GST) a hmuh chu hemi hun chhung a kum hmasa aiin 35. 7% in a pung.

State-in GST a hmuh zat a punna hi ram pum huapa a punna, 6.8% nena inthlau hle tih sawiin, an state economy activity chak leh chhiah pek chungchanga hma an sawnna a lang tih official-te chuan an sawi.

April - December 2025 chunga state-in GST a hmuh hi Rs vbc 1,519 a tling a, kum 2024 April -December khan Rs vbc 1,324 hmuin, a punna hi Rs vbc 195 a tling. Official-te chuan chhiah aṭanga an sum hmuh a pun nasatna chhan chu mipuiten chhiah an pek ṭhat bakah, economic activity tam zel te, sumdawnna ṭhang chho leh, sector hrang hrang - retial, services, tourism, transport leh hospitaliy lama inrelbawlna ṭha leh changtlung zawk awm zel vangte niin an tarlang. Chhiah lut ṭha chuan an state sum dinhmun pawh thuamchakin, state tana mamawh leh ṭul - infrastructure, healthcare, education leh social welfare tan sum tam zawk an neih theih phah a ni, an ti.