Sikkim : Indian Army-in 10-KW solar power plant siam

Indian Army-a Trishakti Corp chuan Sikkim hmarlam, India leh China inrina bul, Muguthang khuaah 10-KW solar power plant an siam.

He hmalakna hi sorkar laipuiin Vibrant Villages Programme a siam hnuaiah kalpui a ni a, hmun kilkhawr leh ramri hrula chengte khawsak phung chawikanna tura power supply rintlak pekna tura tih a ni. Solar plant an siam aṭang hian Muguthang khuaa in tinte chu electric supply an ni. He khua hi hmun kilkhawr taka awm niin, chhungkaw 10 vel chauh an cheng a ni. Power supply an neih loh avangin mimala an lei, solar panel an ring mai ṭhin. An khawsak a harsat ṭhin avangin thla nga thla ruk danah an khua hi an sawn leh mai ṭhin. Trishakti Corps chuan khaw mite harsatna hi hriain, power supply changtlung leh rintlak zawk an neih theihna turin solar plant hi an siamsak ta a ni.