Assam: CM-in Udasin Bhakat-te sum leh paia ṭanpuina scheme tlangzarh

Assam chief minister Himanta Biswa Sarma chuan, nimin Zirtawpni khan Udasin Bhakat-te tan Financial Assistance Scheme a tlangzarh a, state puma Satra-te nena inzawm Vaishnavite puithiam nupui/pasal nei lote tan thla tin Rs 1,500 pek an ni ang.

Guwahati-a tlangzarh inkhawma thu a sawiah, CM Sarma chuan scheme chu kum kalta state budget-ah puan a ni tih sawiin, tunah chuan hman ṭan a ni dawn ta a ni, a ti.

Scheme hnuaiah hian Udasin Bhakat-te bank account-ah thla tin Rs 1,500 dahsak an ni dawn a, mi 620- in he scheme hi an chhawr ṭangkai dawn tih CM chuan a sawi bawk.

Assamese Vaishnavite hnam danah, Satra chu sakhua leh nunphung zirna hmun a ni. Satra-ah hian bhakat tia hriat mi inpete chu ṭawngṭai turin an pungkhawm ṭhin a ni. Nupui/ pasal nei lo tura intiam Satra-te chu Udasin Satras tia hriat a ni.