Manipur: Sorkarin IDP mi 10,000 chenna tur pe tawh

Manipur sorkar chuan internally displaced persons (IDP) 10,000 vel chu chhungkaw 2,200 chuang aṭangin chenna in tur a pe tawh a, chenna in 4,000 vel sak belh hna thawh mek a ni tih chief secretary Puneet Kumar Goel chuan a sawi.

Official thuchhuahah Goel chuan, sorkarin raltlan chhungkaw aiawhte nen level hrang hrangah meeting mumal tak a nei ṭhin tih sawiin, harsatna an tawhte leh relief camp aṭanga insawn chhuahna tur chungchang sawi ho ṭhin a ni, a ti.

Thuchhuah chuan state thuneitute leh, district level-ah venhimna dan leh inrintawnna siam kawngah hma a la mek tih a tarlang.