Assam: Biswanath district-ah dan phal loha in sak 664 ṭhiat

Assam-a Biswanath district thuneitute chuan Baghmari-a sorkar rama phalna nei loa in sak eng emaw zat an ṭhiat ṭan. Village Grazing Reserve ram biga 265-a zaua beihpui thlak chu an tum ber a ni.

Helai biala cheng sawn chhuah leh insak ṭhiah beihpui chu VGR rama dan loa in sak, 664 chu dag number 203 leh 189 hmanga sak an ni a, district official-te chuan chhungkaw 68 thubuai ngaihtuah mekte chu chhuahtirin, thuneitute chuan in sak ṭhiah hna an thawk thei dawn a ni.

He beihpui thlakna kalpui tur hian police-te leh excavator 40 hman a ni. Dan loa ram luahte hi protected grazing reserve category-ah an tel a, khawtlang hman tur leh ran vulh enkawlna atana ruahman a ni.

He beihpui thlakna hi kumin chhunga helai district-a sorkar ram dan loa luah lakletna lian tham tak niin, thuneitute chuan dan loa ram an luah aṭang hian vantlang thil neihte lak let leh tumin hma an la mek a ni. District official-te chuan an mi sawn chhuahte awmna tur siamsak turin ruahmanna an la siam lo.