Nagaland: Naga International studio hawng dawn

Nagaland chief minister Neiphiu Rio chuan, hla phuah thiam leh rimawi lama mi hmingthang A R Rahman thawhpuina hnuaiah Naga International Studio hawn a ni dawn tih a puang. He hmalakna hi rimawi lama thiamna tihpunna tur leh, khawvel puma inchawilarna tura atana ruahman a ni.

CM-in a social media-a thuchhuah a siamah, studio chu talent haichhuahna leh thiamna tihpunna tur a ni tih a tarlang. Hei bakah storytelling leh Naga mipui nunphung chawilarna atana rimawi hmanga khawvel puma inzarpharh chu an tum bulpui ber a ni tih CM chuan a sawi bawk. Nagaland-in theihna a neihte a hriatpui vangin Rahman hnenah lawmthu a hrilh bawk.

Chief Minister chuan he hmalakna hmang hian state hmun hrang hrang leh, hmarchhak biala ṭhalai artist, musician, filmmaker leh storyteller-te tan hun remchang a siamsak a beisei thu a sawi a, hmun dang pan ngai loa professional infrastructure leh khawvel huapa inzarpharhna hun an neih theihna turin a pui dawn a ni, a ti.