Nagaland : Health and Family Welfare department leh HLL Lifecare Limited-in MoU ziak

Nagaland Health and Family Welfare Department chuan, Union Ministry of Health and Family Welfare hnuaia public sector, HLL Lifecare Limited nen thawh dunna tur, memorandum of understanding (MoU) an ziak. State-ah AMRIT (Affordable Medicines and Reliable Implants for Treatment) Pharmacy din a ni dawn tih official report chuan a tarlang.

MoU hi HLL Lifecare Ltd aiawh, Health and Family Welfare Department principal director Dr Mereninla Senlem leh senior manager, RBD-North East ten an ziak a ni.

AMRIT Pharmacy hi HLL Lifecare Ltd hmalakna niin, cancer, cardiovascular ailment leh natna dang enkawlna tura damdawi chi hrang man tlawm zawka pek chhuahna a ni. He hmalakna hmang hian damlo enkawlna senso tihtlem leh, mitin tan healthcare changtlung man tlawm zawka siam tum a ni.

MoU an ziah hmang hian HLL Lifecare Ltd chuan Chümoukedima-a State Family Welfare Training Institute-ah warehouse a din dawn a, vantlang damdawi-in hrang hranga Citizen Welfare Pharmacy-te chuan an mamawh an lei thei dawn a ni.

Company chuan vantlang damdawi-inah AMRIT Pharmacy outlet a hawng dawn bawk a ni. He hmalakna hmang hian state mipuite chuan damdawi ṭha tak tak man tlawm zawkin an lei thei dawn a, damlo enkawlna senso a ti tlem dawn a ni.