Arunachal Pradesh : Deputy CM-in power connectivity ngelnghet neih ngai pawimawh

Arunachal Pradesh deputy chief minister, Chowna Mein chuan Power Grid Corporation of India Limited (PGCIL) chu project thawh mek a hun taka zo tur leh, power generation project thawh tur transmission infrastructure peihfel thuai turin a ngen.

State khawpui, Itanagar-a transmission leh distribution network tihchakna tura ruahmanna siam chungchanga review meeting a kaihhruaiah, Mein chuan state chuan hun lo awm zel tur atan facility aṭanga power lak chhuah theih tura a inpeih a ngai tih a sawi. Lower Subansiri Hydroelectric Project thawh mek a nih bakah, project dang eng emaw zat pipeline kalpui mekte chu power pekchhuah hun sawn hlat a awm lohna turin transmission line-te chu a rang lama hman theih a ṭul tih a sawi bawk.

Deputy Chief Minister chuan electric mamawhna a sang zel tih sawiin, zirna, healthcare service, hnathawh tur, industry, leh economy ṭhanlenna atana pawimawh tak a nih thu a sawi. Hemi kawnga sorkar inpekna tarlangin, Mein chuan state-in power connectivity chak zawk, electric supply ṭha leh quality ṭha bakah, hmun hla leh tlawhpawh harsa ramriahte hmasawnna a awm chu ngaih pawimawh a ni tih a tarlang.

Meeting-a tel official-te chuan scheme hnuaia hnathawh hmasawnnate an tarlang a, transmission leh distribution facility eng emaw zat thawh mek a nih thu te, priority transmission corridor siam zawh tawhte leh, hun rei tak chhung infrastructure lama harsatna awm chinfel dan turte an tarlang bawk.