Manipur : Police-in FIR theh lut; ralthuam leh IED hmu chhuak

Manipur police-te chuan December 16-a Kuki silai keng pawlin Torbung-a silai an hmehpuah avangin First Information Report (FIR) theh luh hnua chhuzuina an neihah, Kangvai-ah ralthuam an hmu chhuak. Mipui himna leh, buaina chhuak tur venna atan helai huam chhungah hian venhimna khauh zawkin an kalpui nghal bawk.

Kangvai-a beihpui thlaknaah ralthuam an hmuh chhuahte hi pumpi, medium-range improvised pumpi pali leh medium-range improvised pumpi pakhat an ni. Silai single barrel leh cartridge case ruak 17 an hmu tel bawk a ni.

Ralthuam an mante hi kg thum vela rit a ni a, Bomb Disposal Squad chuan IED chu an sut nghal a ni. Security force-te chuan venhimna ngawrh takin an kalpui chhunzawm zel. Tun dinhmunah boruak thunun a ni tawh tih Manipur police-te'n social media-a an thuchhuahah an tarlang.