Arunachal Pradesh-Assam ramri buaina 80% chingfel

Arunachal Pradesh leh Assam ramria hunrei tak chhung buaina awm tawh chuan ziaawm lam panin, Lower Siang district-a Kangku Circle huam chhunga buaina an neihna hmun 80% chinfel a ni tawh. He thu hi Likhabali Assembly bialtu MLA leh, Arunachal Pradesh Legislative Assembly deputy speaker Kardo Nyigyor chuan a sawi.

Nyigyor chuan Lower Siang-a khaw pathuma buaina awm chu thu leh thawhhona kaltlanga chinfel a ni tih a tarlang. Buaina dang la awm pawh awmze nei taka chinfel thuai a beisei thu a sawi bawk a ni. Hmasawnna tura hmalakna kalpui mekte tarlangin, Deputy Speaker chuan Lower Siang-a district hospital thar sak chu peihfel thuai a ni dawn tih sawiin, a rang lama hawn a ni dawn tih a sawi. Hei bakah Siji-a Lower Siang district headquarters tharah sorkar quarters thar leh district secretariat sak a ni dawn tih a tarlang.