Assam : Governor-in 'Good News Assam' tlangzarh

Assam governor Lakshman Prasad Acharya chuan Thawhlehni khan Doorsarshan special edition 'Good News Assam' tih lehkhabu chu Guwahati-a Lok Bhavan-ah a tlangzarh. Lehkhabuah hian kartina tihchhuah ṭhin television programme episode 50 chuang aṭangin feature 55 dah khawm a ni a, state hmun hrang hranga hmasawnna; kutkawih eizawnna (entrepreneurship), social service leh vantlang inrelbawl dante tarlan a ni.

Governor Acharya chuan state hmasawnna document-a ziah luh a ni chu lawmawm a tih thu a sawi a, state in hma a sawnna atana mipui inpekna leh thawhrimna a fak bawk. Programme chuan sorkar welfare scheme hmanga hamṭhatna awmte a pholang tih sawiin; healthcare, zirna, lo neih, digital technology, infrastructure, hmeichhe chawikan, leh thingtlang lama hmasawnnate a tarlang bawk.

Governor chuan lehkhabu tlangzarh chu mipui thawhrimnain khawtlanga nghawng a neih ṭhatzia hriatpuina a ni, a ti. Raj Bhavan hming Lok Bhavan tia thlak a nih chungchang pawh sawilangin, mipui huapzo leh hamṭhatna lam hawia rorelna lantirna a nih thu a sawi. Ṭhalai thuam chakna, inkaihhruaina tihhmasawn, chenna leilung leh a chhehvel humhalh bakah ngelnghet zawka lo neih chhunzawm zelna tura Lok Bhavan inpekna a ni tih a sawi.