Meghalaya : EKTA Meghalaya leh Integrated Textile Tourism Centre hawng

Union minister Giriraj Singh chuan Ri Bhoi dictrict-a Nongpoh-ah EKTA Meghalaya (Exhibition cum Knowledge Sharing for Textiles Advantage) leh Integrated Textile Tourism Centre (ITTC) a hawng.

Hawnna inkhawma thu a sawiah, Union Minister chuan hmarchhak bial chu textile heritage lama chhuan tlak an ni tih sawiin, Muga, Eri leh puantahna hmunpui a ni, a ti. Prime minister Narendra Modi kaihhruaina hnuaiah ram pawn thlenga puantah hralh chhuah leh chawilar a nih theihna turin hma lak a ni tih a sawi bawk.

Ministry of Textiles hnuaia Central Silk Board (CSB) chuan Department of Textiles, Government of Meghalaya nen ṭangkawpin EKTA Meghalaya (Exhibition cum Knowledge Sharing for Textiles Advantage) neih chhung hian Integrated Textile Tourism Centre (ITTC), Nongpoh-ah exhibition stall a buatsaih bawk.

Integrated textiles tourism Centre (ITTC) hi Department of Textiles Meghalaya leh, Ministry of Textiles-te hmalakna a ni. ITTC hi cultural hub anga duan niin, kutthemthiamna, culture, thiamna tihhmasawn leh tlawhtute tana tawnhriat tihpun a tum a ni. EKTA Meghalaya hian silk, puantah, kut hmanga thil siam, ziza kung, leh technical textile-te chu platform khatah dah khawmin, thiamna inzir tawn chawikan, thil thar siam, market inzawmna, leh state hrang hrang thawh hona tihchak a tum a ni.