Assam : Chenna in nuai 29 chuangah SR kalpui tawh

Assam-a electoral roll endikna Special Revision (SR) neih mekah, chenna in 29,68,961-ah survey neih zawh tawh a ni. Chenna in 29,68,961-a endikna an neihah, elector 1,67,925 an thi tawh a; elector 1,29,676-te chu insawn tawh an ni a; kum 18 tling tawh mi 2,63,837-te chu electoral roll-a la inziaklut lo an nih bakah; mi 65,973 electoral roll-a inziaklut thei tawh an awm tih hmuh chhuah a ni bawk.

Electoral Registration Officer-in thutlukna a siamte chu District Magistrate hnenah a thawn dawn a, District Magistrate thutlukna chu Chief Electoral Officer hnenah thlen a ni leh dawn tih Chief Electoral Officer (CEO) thuchhuah chuan a tarlang.

Hei bakah endikna hi field-level scrutiny kalpui a ni a, November 22 aṭang khan chenna inah kalpui ṭan a ni. Booth-level officer (BLO) 29,656-te chu polling station pakhat zelah dah an ni. BLO-te chuan pre-filled Statement 1 (elector-te chanchin kimchang), Statement 2 leh Statement 3 hmangin endikna hi an kalpui mek a ni. Hei bakah langtlang taka kalpui a nih theihna atan, political party hrang hrang aiawh booth-level agent (BLA) 61,533-te pawh thawhpui an ni bawk.

SR rintlak taka kalpui chu Election Commission of India (ECI)-in a ngaih pawimawh ber nia sawi a ni. Political party hrang hrang aṭanga BLA-te telna chuan a bulṭhut aṭanga langtlang taka kalpui a nihzia tarlan a ni tih press thuchhuah chuan a tarlang bawk.