Meghalaya : AI, data laboratory thar pathum din a ni dawn: Ashwini Vaishnaw

Union information technology minister, Ashwini Vaishnaw chuan Nilaini khan data and Artificial Intelligence (AI) laboratory pathum state-ah din a ni dawn tih sawiin, sorkar laipuiin ram chhung khua leh tui zawng zawngin awlsam zawka technology an hman theihna tura hmalakna a ni tih a sawi.

Vaishnaw chuan Regional Intelligence Summit nimin Ningania neihah, virtual-in Meghalaya-a centre thar pathum din a nih tur thu hi a puang a ni. Centre-te hi ITI park Shillong, Shillong Polytechnic leh ITI, Tura-ahte din a ni ang. State hian National Institute of Electronics and Information Technology (NIELIT), Shillong-ah facility pakhat a nei mek a ni.

Hemi chungchangah hian Vaishnaw chuan, ram chhung mipuiten technology thar chu an hmang ṭangkai dawn tih a sawi. Mipui tam takin electric chu tunlai nitin nuna pawimawh an tih angin, AI chu ala ṭangkai zel dawn a ni, a ti. AI pawimawhnate tarlangin, technology chuan mitin hnen a thleng tur a ni a, a ṭangkaina leh buaina a thlen theihah te tawnhriat neih a ṭul tih a tarlang.

Minister chuan, sorkar laipuiin ram chhung hmun hrang hrangah data and AI laboratory 570 din a tum tih sawiin, ṭhalaite training pekna atan centre 30 sak zawh a ni tawh tih a tarlang. Sorkar laipui chuan large language models (LLMs) din tumin hma a la mek tih sawiin, Google, Meta OpenAI-a innghahna a tlahniam dawn tih a Minister chuan a sawi bawk.

He hmalakna hmang hian dataset 3,800 siam a ni dawn a, Graphic Processing Unit 38,000-te chu rel AI models-ah hman a ni dawn a ni.