Manipur : Multipurpose Indoor Stadium sakna atan Rs vbc 5.03 ruahman

Hmarchhak biala infiamna infrastructure leh, ṭhalai hmasawnna tihchak kawnga hmalakna kawng khat atan, REC Foundation chuan Manipur-a Churachandpur district-ah Multipurpose Hall-cum-Indoor Stadium sakna turin District Rural Development Agency (DRDA), Churachandpur nen Memorandum of Agreement (MoA) an ziak.

Inremna hi November 26 khan REC Corporate Office, Gurugram-ah ziah a ni. REC Foundation chuan Corporate Social Responsibility (CSR) fund aṭangin project thawhna tur Rs vbc 5.03 a ruahman. Indoor stadium sak thar turah hian badminton, volleyball leh infiamna hrang hrang khelhna turte siam a ni ang.

Infiamna piah lamah khawtlang mipui punkhawm theihna tura duan a ni dawn bawk a; culture event, ṭhalai thil tih, leh fitness programme a buatsaih theih bawk ang.

Churachandpur district leh a chhehvela infiammite tan a ṭangkai dawn hle a, training mumal leh facility changtlung zawk hmanga sports culture tihhmasawn, talent hai chhuah leh, Churachandpur ṭhalai bakah hmarchhak miten an chhawr ṭangkai theih tura duan a ni.

REC Limited hi sorkar laipuia ministry of power hnuaia awm, Maharatna Central Public Sector Enterprise a ni. A hmalakna pakhat, CRS hmang hian company ram pum huapin zirna, hriselna, skill development, environment leh sports infrastructure thuam chak leh tihchakna kawngah theihtawp a chhuah a ni.