Sikkim : Digital Permit System tlangzarh

Sikkim Tourism Department chuan tourism thuam chakna kawng khat atan, hmun sang (high-altitude) leh ramri tlawhtute tan digital permit system a tlangzarh. He hmalakna thar hmang hian permit kalpui dan tihchangtlun tum a ni a, khualzinte tan hman a awlsam dawn bakah, helai bial ecosystem leh ramri venhim kawngah a puih theih beisei a ni.

Technology thar hi tlawhtute tan pawh thil a tih awlsam phah thei dawn a, helai biala hmun pawimawh ṭhenkhat awlsam zawka an thlen theihna turin, state-in manual permit system a hman lai chu digital platform-ah a thlak a ni. He hmalakna hian Restricted Area Permit (RAP) leh Protected Area Permit (PAP)-a kal phalna pek a ti awlsam dawn a, ram chhung leh ram pawn aṭanga tlawhtute tan pawh zin veivahnaah nasa takin a pui dawn bawk.

Sikkim hi hunrei tak chhung zinmite tlawh tamna hmun a ni tawh a, hmun tlawh tam zingah Nathu La, Tsomgo Lake leh tlang sang tak tak phalna lak ngai leh international ramrite an tel. Heng hmun tlawh tumte tan phalna la turin hunrei tak an nghah a ngai ṭhin. He harsatna sukiang tur hian state sorkar chuan digital system chu hman awlsam zawk turin a tlangzarh ta a ni.

Digital platform-ah hian khualzinte chuan online-in phalna an dil thei tawh dawn a, dilna an theh luh zawhah QR-based permit hmangin awlsam takin checkpoint hrang hrangah an scan thei dawn a ni.