Manipur : Highway project Rs vbc 12,000 man thawh mek a ni

Ministry of Road Transport and Highways (MoRTH) in hmarchhak biala inkalpawhna tihchangtlunna tur project hrang hrang a pawm zingah, Manipur-ah Rs vbc 12,000 senna tur road project 51 a tel. Project-te hi thawh mek an ni.

Manipur tlawha zin, union minister of state for road transport and highways, Ajay Tamta chuan he thu hi Manipur khawpui Imphal-a Nilaini zana press meeting neihah a sawi. Tamta chuan Manipur-a inkalpawhna tihchangtlun hna chu thawh mek a ni tiin, highway km 747-a thui chu thuamṭhat a ni tawh tih sawiin, single-lane eng emaw zat chu two-lane-ah thlak a ni tawh tih a tarlang. Highway km 332 thawm ṭhat tur la awm chu kum 2026-27 chhunga zawhfel tur a ni. Project-te hi NHIDCL leh State PWD-ten an thawk a ni.

Tamta chuan ram chungchanga buaina awm avangin project 35 a tihkhawtlai thu a sawi a; mahse, NHIDCL hmalaknain a hun takah zawhfel a ni dawn tih a tarlang. Imphal-Moirang four-lane project Detailed Project Report (DPR) pawh peihfel a ni thuai dawn tih a sawi bawk.