Tripura : CM leh Union Minister-in review meeting nei

Tripura chief minister Manik Saha chuan Thawhlehni khan union minister for development of North Eastern Region (DoNER), Jyotiraditya M. Scindia nen state tourism tihchakna tura Matabari Tourist Circuit project thawh tura ruahman ennawnna hun an hmang.

Tourist circuit ruahman hian hmun pawimawh tak tak; Agartala, Neermahal, Sepahijala, Udaipur, Chabimura, leh Dumboor-te a huam dawn a ni. Official thuchhuah tarlan danin, meeting-ah hian inkalpawhna tihchak, infrastructure tihchangtlun leh, site an thlana bungraw pawimawh dahte chu ngaih pawimawh a nih thu tarlan a ni.

Union Minister chuan Matabarai Tourist Circuit project chu ṭha a tih thu a sawi a, project hmasawnna atana thil pawimawh hrang hrangah DoNER Ministry aṭangin thawhpuina ṭha tak pek a ni dawn tih a sawi. Chief Minister Saha chuan project kalpui a nih hunah chuan state tourism infrastructure a tichak dawn a, tualchhung mipui tan hnathawh tur a siam dawn a, ram chhung leh ram pawn aṭangin khualzin tam zawk a hip dawn tih a tarlang.