Assam : Tribal chhungkaw 4,673 hnenah ram neitu nihna hlan

Assam sorkar hmalaknain Thawhlehni khan Kamrup district-a Chaygaon khuaa Pantan High School playground-a hun hmanah, tribal chhungkua 4,673-te hnenah ram neitu nihna pek an ni.

He hun hi Kamrup District Administration leh Department of Tribal Affairs (Plain) ṭangkawp buatsaih niin, state-in leilung fate tana ram dikna chanvo humhim tura a hmalaknaah pawimawh tak a ni.

Ram neitu nihna an pekte hi- Garo, Rabha, Bodo leh Karbi khaw mipui, ramngaw hmun hrang hrang; Lokhara, Bondapara, Kulshi, Loharghat, Bamunigaon, Boko leh Singra-a inbengbelte niin, hunrei tak an lo chen tawhna ram chu a neitu nihna an pe a ni. Chief minister Himanta Biswa Sarma chuan, state-a tribal mipuite tana ram chungchanga dikna chanvo ngelnghet an neih theihna tura sorkar hmalakna a ni tih a sawi. Sonitpur leh Biswanath-a chhungkaw 5,000 chuan ram patta an dawn thuai beisei a ni bawk.

State sorkar chuan Basundhara scheme thawh khatna hnuaiah, tribal chhungkua nuai 1.5 chuang hnenah ram neitu nihna document a pe tawh. Chief Minister chuan khaw 600 vel chu non-cadastral area aṭangin cadastral area-a siam a nih thu a tarlang a, chhungkaw sang telin a vawi khatna atan ram neitu nihna an nei thei tawh a ni, a ti.