Arunachal Pradesh : Sainik School-a thihna thlengah zirlai pariat man tawh

Tripura-a Sainik School East Siang, Niglok-a naupang pawl sarih zirlai, a senior-ten an tiduhdah ṭhin nia sawi thihna chungchangah police-te chuan zirlai pariat an man tawh. An mi mante hi November 3-a zirlai naupang thi ta pain FIR a theh luh hnuah man an ni.

He thubuai hi a tirah chuan Section 194 of the Bharatiya Nyaya Sanhita (BNS) hnuaiah ziah luh a ni a, a hnuah Ruksin PS Case No. 20/25 hnuaiah BNS Sections 108/106(1)3(5) ah thlak a ni. Zirlai pariat an man, Children in Conflict with Law (CCLs) tia chhalte hi, November 4 khan Pasighat-a Juvenile Justice Board (JJB) hmaah hruai an ni.

JJB Principal Magistrate chuan, CCL-te hi Sainik School Niglok Vice Principal custody-ah kar khat chhunga hlan an ni. Zirlai an man enkawltute chu Juvenile Justice (Care and Protection of Children) Rules Rule 11(6) hnuaiah an enkawlna titawp tura hriattir an ni bawk.

Police-te chuan chhui zuina neih chhunzawm zel a ni dawn tih an tarlang. Apatani Students' Union (ASU) leh All Arunachal Pradesh Students’ Union (AAPSU), All Lower Subansiri District Students’ Union (ALSDSU), leh All East Siang District Students’ Union (ESDSU) ṭangkawp chuan, zirlai naupang kum 12 mi November 1-a a thih chungchang hriat chian tumin Sainik School Niglok an tlawh bawk a, an lungawi loh thu sawiin, district thuneitute leh police-te chu kar hnih chhung hun pein, dik leh felfai taka chhui chian an phut. Hun tiam chhunga chhanna pek an nih loh chuan buaina nasa zawk a chhuak thei dawn niin an sawi. Union-te chuan thuneitute hnenah zirlai naupang thi ta chhungte tan rorelna dik kalpui turin an ngen a, pawikhawihtute chu an phu tawk hremna pe turin an ngen.