Tripura : Transport Minister-in PMAY sum hmang dik lote vau

Tripura transport minister Sushanta Chowdhury chuan Inrinni khan Pradhan Mantri Awas Yojana (PMAY) aṭanga pucca in sakna tura sum pek, a hmanna tur dik taka hmang lote vauin, instalment dang an dawng thei dawn lo tih a sawi.

PMAY (Urban) hnuaia work order thar sem chhuahna hun, Jirania-a buatsaihah Chowdhury chuan tun hmain hamṭhatna dawngtuten scheme kalphung an bawhchhiat thu sawiin, an sum dawn chu in sakna atan ni loin, mimal inhaivurna leh an duh ang leina atan an hmang ṭhin tih a tarlang.

Hemi chungchangah hian dan zawm tur a awm tih sawilangin, instalment tin chu geo-tagged survey hmanga enfiah a nih hnuah tihchhuah a nih thu a sawi. Hamṭhatna dawngtuten dan an siamte an zawm thei lo a nih chuan instalment dang an pe chhuak dawn lo tih Minister chuan a sawi a ni.

Hamṭhatna dawngtuten instalment hmasa ber an dawn hnuah, an fate tan motorcycle an leisak bakah, an pawisa dawn chu zin veivahna atan an hmang tih sawiin, hetianga dan bawhchhiatna lakah hian India sorkar chuan hremna a kengkawh dawn tih a sawi. Chowdhury chuan Jirania huam chhunga chhungkua 4,500 chuan sorkar laipui scheme hi an dawng tawh tih sawiin, langtlang taka kalpui a ni tih a sawi bawk. tih a tarlang.