Nagaland : Sorkar laipuiin tuilian tuar chhawmdawlna atan Rs vbc 202 sanction

Union Home Ministry chuan State Disaster Response Fund (SDRF) hnuaiah, kumina Nagaland-a fur laia ruahtui tlak tam avanga tuilianin harsatna a thlen mipui hnenah chhawmdawlna instalment vawi hnihna Rs vbc 202 a pe chhuak.

He fund hi union home minister Amit Shah pawmpuinain pek chhuah a ni a, state chhunga chhiatna thleng thawmṭhatna tura duan a ni. Ministry chuan fund hmang hian tuilianin chhiatna leh harsatna a thlente thawmṭhat hna thawh a ni ang. Kumin chhungin sorkar laipui chuan SDRF leh National Disaster Mitigation Fund (NDMF) hnuaiah state 27 hnenah Rs vbc 15,554 a sem chhuak tawh a ni.

Ministry chuan khuarel chhiatna thleng avanga harsatna tawkte chhawmdawl leh chhanchhuah hna thawk turin NDRF, sipai, leh Air Force Team-te an tir chhuak tawh bawk.

Kumin fur chhungin NDRF chuan state leh union territory 10-ah chhan chhuah hna lian tham vawi 199 an thawk a, tuilian leh leimin avanga harsatna tawk mi sang chuang an chhan chhuak a ni.