Arunachal Pradesh : December-ah panchayat leh municipal inthlan nei dawn

Arunachal Pradesh State Election Commission (APSEC) chuan, Panchayati Raj institution leh municipal inthlan chu kumin December thlaah Itanagar leh Pasighat-ah neih a ni dawn tih a puang. Commission chuan official-te chu zilla parishads, gram panchayat leh municipal-ah hmeichhe tan seat dah turin a hriattir.

Inthlan neih tura hmeichhe tana seat dah dah tur hi open draw hmanga neih a ni dawn. Open draw neih turah hian political party hrang hrang aiawte chu tel tura hriattir an ni. Block Development Officer (BDO)-te pawh thuthar thehdarh tur leh panchayat aiawhte an tel leh tel loh hre turin hriattir an ni bawk.

Deputy commissioner Vishal Sah, district election officer ni bawk chuan Additional Deputy Commissioner-te leh political party aiawhte chu he hunah hian tel turin a hriattir. District election officer zingah Shweta Nagarkoti Mehta pawh telin, mipui aiawh, official, political party member, hmeichhe pawl, leh media-te chu he hunah hian tel tura sawm an ni bawk.