Tripura-a bungraw phur rel aṭangin dan khap khuh damdawi man

Tripura-a Jirania rel station-a bungraw phur rel aṭangin dan khap khuh damdawi (cough syrup), Rs vbc 2 hu vel man a ni tih police-te chuan nimin Zirtawpni khan an sawi.

Official chuan Government Railway Police Force (GRP) leh, Customs Department bakah Special Task Force (STF) ṭangkawp chuan damdawi tawlh luh venga an hmalaknaah heng khuh damdawite hi an man tih a tarlang.

Bungraw phur rel an dapnaah hian team chuan dan khap Escuf syrup (100 ml) bur 90,000 chu Jirania rel station, West Tripura-ah man a nih thu thuchhuahah an tarlang a, khuh damdawi man kaihhnawihah hian man an la nei lo thung.

Tripura sorkar leh AIIMS-in MoU ziak

Tripura sorkar leh All India Institute of Medical Sciences (AIIMS) chuan, healthcare service thuam chakna atan thawh dunna tura inremna, Memorandum of Understanding (MoU) an ziak.

Inremna hi New Delhi-ah ziah a ni a, chief minister Manik Saha leh AIIMS director Dr M Srinias-te an tel a ni. Inremna an siam hmang hian medical college leh Tripura-a state leh district level damdawi-in tihhmasawn tum a ni a, damdawi lam zirna tih chak leh international standard-a healthcare service pek chhuah theihna tura ruahman a ni bawk.

Saha chuan state sorkar hmathlir tarlangin, Agartala Government Medical College (AGMC) leh GB Pant Hospital-ah damlo enkawlna atan facility changkang zawk hman tum a ni tih a sawi. AIIMS leh health department thawkdun chuan state puma healthcare service a thuam chak dawn a, he hmalaknaah hian AIIMS chuan mawhphurhna pawimawh tak a nei dawn a ni, a ti.