Manipur: November 15 hnuah mipui thlan sorkar din tum a ni : BJP MLA

Manipur-a BJP MLA Thounaojam Shyamkumar chuan, November 15 hnu lamah an state-ah mipui thlan sorkar thar din tum a nih thu sawiin, chief minister tur chu central lama an party hruaituten an thlang dawn tih a sawi.

Andro MLA chuan Ningani khan thuthar lakhawmtute hnenah, tun hnaia New Delhi-a Manipur BJP MLA-te leh central lama an party hruaituten inbiakna an neihah an hotute pawhin mipui sorkar din hi an lo tiam tih a sawi. Chief Minister dinhmun chelh hi tupawhin an an duh vek avangin central lama hotuten an thlan chu ṭha a tih thu a sawi bawk.

BJP MLA 26-te chu New Delhi-a ram hruaitute kawmin kar khat an cham a, politics lama buaina an neihte thlenin inbiakna an nei a ni.

Sorkar laipui chuan Manipur-a hnam pahnih inkara buaina a chhuah mek kara chief minister aṭanga N Biren Singh a ban hnuah, President's Rule a puang a ni. Tualchhung buaina chhuak vang hian mi 260 an thi tawh a, mi sang tel chuan an in leh lo tihchhiat leh halsak an ni bawk.