Arunachal Pradesh : Tawang-ah District-Level NCORD meeting nei

Arunanchal Pradesh-a Tawang district-ah thla tina neih ṭhin, ruihhlo do kawnga hmalakna, District Level Monthly NCORD meeting chu Ningani khan neih a ni. Meeting hi additional deputy commissioner (ADC) Rinchin Leta-a'n a kaihruai a, superintendent of police (SP) Dr. D.W. Thongon, Dy. Sp Tasso Kato, OC Kesang Norbu leh mi pawimawh dang bakah, SSB, State leh Central intelligence agency aiawh, Market Welfare Committee leh stakeholder eng emaw zat an tel.

Dy. SP Tasso Kato chuan, district hrang hranga ruihhlo do kawnga Tawang Police-ten hma an lakna chipchiar takin a tarlang. SP Dr Thongon chuan hmun 13-ah power supply bahlah awm loin CCTV camera dah thar a nih thu a sawi a, a enkawl zuina pawh helai huamchhunga hmun hnaiteah siam a ni tih a sawi. Hmun eng emaw zat, la dah lohnaah pawh a thawh hnihnaah dah tum a ni tih a tarlang bawk.

SP chuan Deputy Director of School Education (DDSE) chu hemi kaihhnawih agency-te nen sikulah awareness camp buatsaih tura ngenin, zirna ti khaihlak loin thla khatah vawikhat tal neih a phut a ni. Drug De-addiction leh Rehabilitation Centre siam tum chungchangah, Child Development Project Officer (CDPO) aṭanga thuthar a awm leh awm loh a zawt bawk a, CDPO chuan Tawang-a din tura rawtna awm chu hnawl a nih thu a sawi.

Dr Thongon chuan mipuite chu MANAS portal-ah ruihhlo zawrh pung zel tur venna atan report ṭhin turin a ngen a, police-te tana mi ṭangkai tak an nih theih thu a sawi bawk. ADC Rinchin pawhin Agriculture department-in ganja tihchhiatna tur sprayer leh herbicide an nei tawh tih a sawi bawk.