Nagaland : NITI Aayog-in AI skilling centre din tum

NITI Aayog chuan hmarchhak biala digital empowerment tihhmasawn leh, hnathawh tur tihpunna atana hma a laknaah, Dimapur, Nagaland-ah Artificial Intelligence (AI) skilling center din theih dan tur a dap mek.

Official-te chuan NITI Aayog team-in Nilaini khan Dimapur an tlawh tih sawiin, tualchhung hruaitute nen centre dinna tur hmun remchang leh, kalpui dan tura an ruahmanna sawi hona hun an nei tih an sawi. Centre din tum hi Pradhan Mantri Kaushal kendra (PMKK) hmalakna hnuaia sak tur a ni a, Nagaland ṭhalaiten technology lama thiamna an neih theihna tura duan a ni.

Official thuchhuah chuan he hmalakna hian economy sector-a thil pawimawh tak tak; puantah (handloom) leh kuta siam (handicraft), agriculture leh ei leh in siam, automobile, healthcare, leh tourism-a AI-behchhana zirna kalpui a tum thu a tarlang.

Team hian Dimapur-a National Institute of Electronics and Information Technology (NIELIT) leh National Technical Training Centre (NTTC) an tlawh bawk a, tualchhung official-te leh stakeholder-te nen thawh ho theihna tur bakah, centre dinna tur atan infrastructure inpeih dante an sawi ho a ni.