Sikkim : Sorkarin tattoo chhut chungchangah hriattirna tichhuak

Sikkim-a tun hnaia International Tattoo Convention neihah sakhaw lam tattoo chhut chungchanga inhnialna a chhuah hnuah, State Ecclesiastical Department chuan sakhaw pawisawi leh zah lohna lantir zawnga tattoo chhu lo turin mipui hriattirna a ti chhuak nghal. International Tattoo Convention hi October 9-12 khan Saramsa-a neih a ni.

Tattoo ṭhenkhatah chuan sakhaw zah lohna lantir a ni a, a bik takin kawng hnuai lama an sakhaw pathian lem chhut chu sakhua zah lohna lantirna lian tham tak a ni, tiin October 13-a hriattirna tihchhuahah chuan an tarlang. Mimal leh artist-te chu sakhuana lam kaihhnawih tattoo an chhu dawn a nih chuan uluk zawk leh ngaihtuahna ṭha zawk hmang phawt turin a chah. Sakhua anga midang rilru ti na thei leh, khawtlang zah lohna lantir thei artistic work siam leh phochhuah chu phal loh a ni tih an tarlang bawk.

Convention-ah hian sakhaw chhinchhiahna lam tarlanna tattoo chhut chungchang an sawi danah sawiselna leh inhnialzuina a thleng a, he hun buatsaihtute chuan mipui leh Ecclesiastical Department hnenah ngaihdam an dil nghal a ni.