Arunachal Pradesh : Indian Army-in Civil Military fusion event buatsaih

Arunachal Pradesh-a East Siang district-ah Pathianni khan Indian Army Spear Corps chuan Sigar Military Station, Mebo Sub-division hnuaiah Military-Civil fusion event an buatsaih.

He hun hi Indian Army leh Arunachal Pradesh-a civil administration inkarah thawh hona ṭha leh, inhriatthiam tawnna a awm theihna tura buatsaih a ni. Chief secretary Manish Kumar Gupta, DGP Anand Mohan, major general Vivek Bankshi bakah department hrang hranga mi pawimawhte leh, Indian Army-te an tel.

Hun hmannaa telte chuan mahni mihring puite nen inpuih tawnna leh khuarel chhiatna thlen changa chhawmdawl hna thawh, ramria venhimna tihhmasawn, tourism, leh socio-cultural hmasawnna tura thawh hona ṭha neih dan tur an sawi ho a ni. State-a veteran-te hamṭhatna tura Spear Corps-te hmalakna chu lawmawm an tih rualin, veteran-te hamṭhatna tipung tura hmalakna dang awm thei pawh an sawi ho bawk.

Indian Army chuan sipai hmanraw changkang zawkte pholangin heng zingah hian drone pawh a tel. Atmanirbhar Bharat hmalakna hmanga technology lama hmasawnna an neihte an pholang a ni.