Meghalaya : District tinah drug de-addicition centre din tum

Meghalaya sorkar chuan ruihhlo do hna a kalpui mekna hnuaiah, state chhunga district zawng zawng, district 12-ah drug de-addiciton centre din vek a tum.

Chief minister Conrad K Sangma chuan district tinah detoxification leh de-addiction centre din a nih tur thu hi puangin, thla 3-4 chhunga peihfel tum a ni, a ti. "A buaipui tur department-te pawh centre awmna tur hmun, sorkar hospital-ah emaw private leh sakhaw pawl din duh an awm em tihte ngaihven turin hriattir an ni," tiin a sawi.

State chhunga ruihhlo hluar zel chu um bo a, ruihhlo hmansualna laka ṭhalai chhanchhuak turin sorkar chuan theihtawp a chhuah dawn tihCM chuan a sawi a, hemi atan hian department hrang hrang pawhin khauh taka hma an lak tur thu te, stakeholder-te thawhpuiin hotpsot area-ah CCTV te dah a nih tur thu a sawi bawk.

CM hian hma lak dan tur chungchangah Nilaini khan Health, Social Welfare leh Police department official-te meeting a neihpui a; ruihhlo do hna kalpui mekna, Dream Mission hnuaia hma an sawn dante an thlir ho nghal bawk a ni.