Manipur : BJP MLA-ten Delhi pan

Manipur BJP MLA leh chief minister hlui, N Biren Singh-te chuan Manipur-a Presidents' Rule tihtawp a, sorkar mumal a awm theihna tura sorkar laipui hotute hmu turin Inrinni khan New Delhi an pan. MLA zingah hian Tongbram Robindro, Sapam Ranjan leh Heikham Dingo-te an tel.

New Delhi pan hmaa Bir Tikendrajit International airport-a thuthar lakhawmtute a kawmnaah, Biren Singh chuan ram hruaitute hnenah Manipur dinhmun an hriattir dawn tih sawiin, sorkar mumal a awm theihna turin leh, state buaina avanga chenna in leh lo chhuahsan, internally displaced persons (IDP)-te harsatna tawh chungchang sawipui an tum tih a sawi.

MLA-te hian union home minister Amit Shah hmuh an dil hmain, BJP Northeast coordinator Sambit Patra an hmu phawt dawn nia sawi a ni. Prime Minister emaw BJP National President emaw an hmu thei dawn em tih official-a nemngheh a la ni lo bawk.