Sikkim : Oct 1 aṭangin khualzin tan battlefield spot hawng dawn

Sikkim sorkar chuan October 1 aṭangin an battlefield sport, Doka-La leh Cho-La te chu ram chhung aṭanga kal khualzin tlawh theih turin a hawng dawn.

Thuchhuah a siamah, chief secretary R Telang chuan heng hmun pahnih, uluk taka venhimte hi ram chhung aṭanga kal khualzin, voter identity card neite chu tlawh phalsak an ni dawn tih a sawi a, ram dang khualzin tan erawh hawn a ni dawn lo thung. He hmun pahnih hi Bharat Ranbhoomi Darshan hmalakna hnuaia hawn a ni tih a sawi bawk.

Doka-La leh Cho-La te hi India-Bhutan-China tri-junction bula awm a ni. Khualzint tlawh tumte chuan tour operator emaw, travel agency-te emaw kaltlangin tourism leh civil aviation department aṭangin phalna an lak hmasak a ngai ang.