Tripura : Infrastructure leh welfare project atan Rs vbc 50.65 ruahman

Tripura sorkar chuan Durga festival pualin hmasawnna hna thawhna tur leh mipui vantlang hamṭhatna tur project hrang hrang atan Rs vbc 50.65 a ruahman. Project-te hi department-te nen inrawnkhawmna an neih hnua pawm a ni.

Ruahmanna siamah hian Rs vbc 12 chu khawpui chhung hmun 14 leh, nagar panchayat paruk huam chhunga bawlhhlawh paihna, bawlhhlawh sawngbawlna, tui in tur thianghlim, kawng siam, drainage system, ward siam thara street light dah, online service, electric crematorium, leh tuikhuah humhalhna atan hman a ni ang.

Festival chhunga mipui hamṭhatna tur Rs vbc 9.37 dah belh a ni bawk. Rs vbc 9.28 chu R&D division paruk a project pawm tawh thawhna tura ruahman niin, chung zingah chuan Teliamura, Amarpur, Kumarghat, Kanchanpur, Satchanda, leh Shantirbazar-te pawh an tel. Tripura khawpui Agartala-a cantonment kawng tihchangtlunna atan Rs vbc 17.38 sanction a ni bawk.

Durga Puja festival lo awm tur pualin, Pradhan Mantri Poshan Scheme (School MDM) hnuaia cook-cum-helper hna thawk 11,150 te tan Rs 2,310 ṭheuh ruahman a ni tih chief minister Manik Saha chuan a sawi. Primary Education Department (PM-Poshan) hnuaia contract-a hnathawk 26 tan bonus leh advance Rs nuai 2.58 ruahman a nih thu Saha chuan a sawi bawk a ni.