PM-in Tripura tlawh dawn

Prime minister Narendra Modi chuan September 22 hian Tripura a tlawh dawn a, Gomati district Udaipur-a Tripura Sundari Temple hlui thawm ṭhat leh tihzauhna tur project a hawng dawn tih official-te chuan Ningani khan an sawi. Sorkar laipui sum hmanga redevelopment project thawh turah hian civic amenity, lodging facility, restroom, lirthei dahna hmun, open gallery, leh thil eina hmun tihchangtlunte a huam dawn a ni.

Official-te chuan he hmalakna hi kum 1501-a Maharaja Dhanya Manikya din, Shakti Peetha 51 zinga pakhat, temple chhehvela sakhaw lam tourism tihhmasawn tumna a nih thu an sawi. Prime Minister tlawh tur denchhen hian Palatana-a OTPC Power Project-ah helipad siam a ni. Modi hian PRASAD (Pilgrimage Rejuvenation and Spiritual, Heritage Augmentation Drive) Project hnuaia Mata Tripurasundari Temple-a infrastructure thar leh cheimawina siamte a hawng bawk ang.

Chief minister Manik Saha chuan September 18 khan temple awmna khua hi tlawhin inbuatsaihnate leh venhimna kalpui dante a ennawn a, minister leh official dangten an ṭawiawm. Prime Minister hi Agartala MBB Airport aṭanga Udaipur pan turin helicopter hmangin a thlawk dawn a, temple-ah ṭawngṭaina hun a hmang a, vantlang inkhawm erawh buatsaih a ni dawn lo.