Tripura : Agartala-ah thing phun runpui nei dawn

Tripura khawpui Agartala-ah thing phun runpui kalpui a ni dawn. Agartala Smart City Limited (ASCL) chief executive officer, Sailesh Yadav chuan khawpui chhung leh kawng dungah thing phun tura hma lak mek a nih thu a sawi.

Thing phun beihpui thlakna hi Haora lui leh a chhehvel chei ṭhatna tur project peng pakhat niin, km 2-a thuiah hna hi thawh zawh a ni tawh. Lui lamah planterbox dahin, Rotary Club Agartala nen ṭangkawpin thing phun hna hi thawh ṭan tawh a ni.

Rs vbc 101 senna tur project hmang hian khawpui chei mawi mai bakah, intihhlimna hmunte siam a tum a ni. Lui lam pakhata hna thawh mek hi kumin November thla hian zawhfel hman tum a ni; yoga park, cycling track, kea kalna leh intihhlimna hmun dangte a awm dawn tih Yadav chuan a sawi.

ASCL chuan khawpui leh kawtthler chei mawi leh thawm ṭhat chu a ngaih pawimawh thu sawiin, Yadav chuan Agartala-a kawngpui lian kamah thing ding hmuh tur a awm mumal lo tih a sawi. Hari Ganga Basak Road-ah metre 25-a inhlatin thing phun a ni dawn a, khawpui chhung hmun hrang hrangah hmalakna hi kalpui a ni dawn tih Yadav chuan a sawi bawk.