PM-in Arunachal Pradesh tlawh dawn

Prime minister Narendra Modi chuan September 22 hian Arunachal Pradesh a tlawh dawn a, state khawpui Itanagar aṭangin infrastructure project lian tham eng emaw zat a hawng dawn. PM zin tur vang hian venhimna lam pawh uluk taka buaipui mek a ni.

Prime Minister-in project a hawn tur zingah hian Yarjep luia hydroelectric project- MW 186 Tato-I leh MW 240 pe chhuak thei siamna tur pawh a tel. Km 1,830-a thui Frontier Highway project pawh a hawng dawn a, he kawng hian West Kameng district-a Bomdila aṭanga India leh China ramri bula Changlang district-a Vijaynagar a paltlang dawn a ni. Highway hi security force-te an chhawr ṭangkai dawn bakah a kaltlang bialah sumdawnna leh tourism tan kawng thar a hawng thei dawn a ni.

Modi hian Vibrant Villages Programme thawh hnihna a hawng dawn bawk. He programme hnuaiah hian Arunachal Pradesh ramria khaw 122 huam chhung tihhmasawnna turin Rs vbc 2,205 ruahman a ni. Hmasawnna hna thawhna tur thingtlang khua 67 chu Indo-Myanmar border-a awm niin, khaw 55 chu India-Bhutan border-a awm an ni. PM hian Tawang-a Integrated Convention Centre a hawng bawk ang.