Assam zoo-ah arsa khap

Ram chhung state ṭhenkhatah arva pul hri, bird flu a len avangin Assam zoo official-te chuan sahuana ramsa te hnenah arsa pek an ni dawn rih lo tih an sawi. 

Ministry of en­vironment chuan bird flu leng thunun tur hian a ṭul anga hma la thuai turin sorkar laipui a lo ngen tawh a, hemi hnu hian state sorkarte hnenah pawh fimkhur tura hriattirna a pe a ni. Assam-ah bird flu hi hmuh la ni lo mah se, a ṭul angin invenna kalpui kalpui nghal a ni. Sahuan enkawltute pawhin ramsa hnena arsa pek ṭhin chu titawpin, beram sa leh bawngsate an pek thu an sawi.